Joe Cocker

Dr John Robert „Joe“ Cocker OBE (* 20. Mai 1944 z Sheffield, Ängland; † 22. Dezämber 2014 z Crawford, CO, USA) isch e britische Rock- und Blues-Sänger gsi.

Im Cocker si Cover vo "With a Little Help from My Friends" vo de Beatles isch z Ängland 1968 uf d Nummere äis choo, und er het dr Song läiv z Woodstock im Joor 1969 gsunge. Si Wersion isch s Themalied für d Färnseeserii «The Wunder Years» worde. 1975 het er im Billy Preston sis "You Are So Beautiful" gsunge und isch in de USA uf e fümft Blatz choo. Dr Cocker het meereri Briis überchoo, drunder 1983 e Grammy Award für si amerikanischi Nummere Äis "Up Where We Belong", e Duet mit dr Jennifer Warnes. Im Joor 1993 isch er für e Brit Award für dr «Best Britisch Male» nominiert worde, 2007 het er d Bronse Sheffield Legends Medallie überchoo, und 2008 en OBE im Buckingham Balast für Dienst für d Muusig. Dr Cocker isch uf dr Liste vo «Rolling Stone's 100 greatest singers» uf em Blatz 97.